კატეგორიები

რეკლამა

 

მინი პროფილი

ლოგინი:
პაროლი:

სტატისტიკა

სულ ონლაინში: 1
სტუმარი: 1
მომხმარებელი: 0


3 გამორჩეული სიახლე
18:53
ძაღლის მოვლის ზოგადი პრინციპები
null
ცხოველის შეძენა დიდ სულიერ კომფორტთან ერთად უზარმაზარ პასუხისმგებლობასთანაცაა დაკავშირებული. როდესაც თქვენ იძენთ თქვენ მომავალ მეგობარს უნდა იცოდეთ, რომ მას ისეთივე მზრუნველობა სჭირდება როგორც პატარა ბავშვს. ამიტომ აუცილებელია მოვლის ზოგადი პრინციპების ცოდნა რათა თავიდან აიცილოთ შემდგომი პრობლემები
ლეკვის შეძენისას აუცილებლად გაითვალისწინეთ,რომ საჭმელი და წყალი უნდა დადგათ გამოსაჩენ ადგილას.
წყალი უნდა ცვალოთ დღის განმავლობაში რამოდენიმეჯერ და აუცილებლად უნდა თავიდანვე აკრძალოთ წყლის დალევა გუბურებიდან და წყალსაცავებიდან,ვინაიდანაც დაბინძურებულმა წყალმა და საკვებმა შესაძლებელია კატასტროფულ შედეგებამდე მიგიყვანოთ .ძაღლის რძე ძროხის რძესთან შედარებით ბევრად მდიდარია ცილებითა და ცხიმებით, ამიტომ ბუნებრივი კვების შეუძლებლობის შემთხვევაში სასურველია სპეციალური ნარევების მიცემა. Aდამიანის რაციონად კატეგორიულად იკრძალება ტკბილეულის, მარილიანი და მწარე საკვების,შოკოლადის მიცემა.დიდი სიფრთხილეა საჭირო ქათმის ძვლის მიცემისას რადგან იგი ხშირად პერფორაციისა და გაუვალობის მიზეზი ხდება. ხორცეულიდან აუცილებელია ხბოს ან ძროხის,  
ძვალგაცლილი ინდაურის, ქათმის, ცხვრის ხორცის მიცემა.ღორის ხორცი კი კატეგორიულად იკრძალება. საყოველთაოდ გავრცელებულია მცდარი აზრი იმის შესახებ, რომ ძაღლი უნდა კვებოთ მხოლოდ ხორცით.ერთფეროვანი და დაუბალანსებელი საკვები საკმაოდ მძიმე შედეგების მომტანია იქიდან გამომდინარე, რომ იგი არ უზრუნველყოფს მინერალური ნივთიერებების, ცილების, ცხიმებისა და ნახშირწყლების ფიზიოლოგიური ნორმების დაკმაყოფილებას. მაგალითად მხოლოდ ხორცის მიცემამ შესაძლებელია გამოიწვიოს თირკმელების სერიოზული პათოლოგიები.  
 დაბალანსებული კვების რაციონის შესადგენად აუცილებელია გავითვალისწინოთ:
  
 ფიზიკური აქტივობა
ძაღლის სხეულის ზომები
ასაკი
მეძუძური დედალი
მაგალითად ზრდასრული ქალაქის ძაღლები, მათი ცხოვრების ჰიპოდინამიური ტიპისგან გამომდინარე, საჭიროებენ რაციონში ცილების მცირე რაოდენობას(20%-მდე),ხოლო სწრაფად მზარდი ჯიშების ლეკვები, ცილების გაორმაგებულ რაოდენობას.ძუძუთი კვების პერიოდში მდედრის მოთხოვნა ცილებზე თითქმის ოთხჯერაა გაზრდილი.
ძაღლის პატრონებს ხშირად აინტერესებთ რამდენჯერაა შესაძლებელი ცხოველის დაბანვა,აქ აუცილებლად უნდა გაითვალისწინოთ ის გარემოება,რომ ძაღლის კანი და ბეწვი არა მხოლოდ მექანიკურად არამედ, სხვადასხვა ქიმიური მექანიზმებით უზრუნველყოფს ორგანიზმის დაცვას მიკრობების მავნე ზემოქმედებისაგან.განსაკუთრებული მნიშვნელობა ამ პროცესში ენიჭება ცხიმოვან ჯირკვლებს.ხშირი ბანვისას ხდება დამცავი ცხიმოვანი ფენის განლევა რის გამოც ცხიმის გამომყოფი ჯირკვლები იწყებენ დაძაბულ მუშაობას,რაც იწვევს მათ გიპერტროფირებას და საბოლოო ჯამში სებორეული დერმატიტის განვითარებას.ამიტომ ძაღლის დაბანვა რეკომენდირებულია ორ თვეში ერთხელ, ხოლო გრძელბეწვიანი ჯიშების ორ თვეში ორჯერ,აუცილებლად სპეციალური შამპუნების გამოყენებით.  
ძაღლის მოვლის ერთ-ერთი მთავარი პრობლემაა ბრძოლა კანის სხვადასხვა პარაზიტების წინააღმდეგ. Eრწყილის საწინააღმდეგო საშუალებების გამოყენებისას უნდა გავითვალისწინოთ, რომ პარაზიტის განვითარების ბუნებრივი ციკლი(კვერცხი-ლავრა-მოზრდილი ორგანიზმი) დაახლოებით სამი კვირა გრძელდება,ამიტომ რწყილებზე დამუშავებაც სამ კვირაში ერთხელაა რეკომენდირებული, ტკიბების შემჩნევისას აუცილებელია მათი მექანიკური მოცილება,რის შემდეგაც კანში რჩება ტკიპის ნაწილი,რომელიც შემდგომში ლოკაკურ ანთებას განაპირობებს ამიტომ აუცილებელია ამ ადგილების სხვადასხვა თხიერი საპნებით დამუშავება,რაც კანზე დამცავი ფენის წარმოქმნით განაპირობებს პარაზიტის ჟანგბადთან კონტაქტის ბლოკირებას და მის კვდომას  
  ყურების ჰიგიენას განსაკეთრებული მნიშვნელობა ენიჭება გრძელ ბეწვინ ძაღლებში, სხვადასხვა ჯიშის ძაღლებში აღინიშნება ბალნის ზრდა სასმენი არხის შიგნითაც, განსაკუთრებით პუდელებში. ასეთ ძაღლებში აუცილებელია ხელით, სასმენი არხიდან ბალნის ამოპუტვა, თუ ამას არ გავაკეთებთ ხდება ყურის გოგირდოვანი გამონაჟონით დაფარვა, რაც ინფექციისა და ანთების ხელშემწყობი ფაქტორია. ძალზედ ხშირად ყურში გამონადენი შესაძლებელია გამოწვეული იყოს სხვადასხვა პარაზიტების მიერ, რომლის დიფერენცირებაც არაპროფესიონალისათვის ძნელია, ამიტომ ყურიდან ნებისმიერი გამონადენის არსებობისას აუცილებელია ვეტერინარის კონსულტაცია. 
  ბუნებრივ პირობებში ბრჭყალების დამუშავება, მექანიკურად, ხახუნის გზით ხდება. ბინაში მაცხოვრებელი ძაღლებისათვის საკმაოდ დიდ პრობლემას წარმოადგენს ბრჭყალების ჰიგიენა, რომლის დამუშავებაც აუცილებელია შესაბამის სპეციალისტთან, სპეციალური ხელსაწყოს გამოყენებით. ძაღლები ისევე როგორც ყველა სხვა ცხოველები, რომლებიც ბუნებრივ პირობებში, ბუნაგში ბინადრობენ არასოდეს არ ახდენენ, ბუნებრივი მოთხოვნილებების დაკმაყოფილებას თავის საცხოვრებელ არეალში. უკვე ლეკვობის პერიოდში, ძაღლი იწყებს იმ ადგილის ძებნას და მონიშვნას, სადაც უნდა მოახდინოს ბუნებრივი მოთხოვნილებების დაკმაყოფილება. აქედან გამომდინარე ძაღლი მიეკუთვნება "სუფთა” ცხოველებს მაგალითად ფრინველებისგან განსხვავებით. ძაღლის საცხოვრებელ ადგილზე ჰიგიენური პირობების შენარჩუნება არც თუ ისე ძნელია, ყველაზე უფრო მიზანშეწონილია 3-4-ჯერ მათი გასეირნება,რათა თვითონ მოახდინოს აღნიშნული მიზნებისათვის ტერიტორიის მონიშვნა. ამავე დროს შეასაძლებელია სახლში ნახერხით ან შესაბამისი ტექნიკური საშუალებებით გავსებული ყუთის დადგმაც. აქვე უნდა გავითვალისწინოთ, რომ ბინაში ძაღლის ყოლის შემთხვევაში მეპატრონეებმა ყურადღება უნდა მიაქციონ საკუთარ ჰიგიენასაც. ძაღლთან თამაშის დროს აუცილებელია (განსაკუთრებით ბავშვებისათვის) ხელების დაბანა, ხოლო მისი ქვეშსაგები უნდა შეიცვალოს ყოველკვირეულად და უნდა დაუთავდეს ცხელი უთოთი. შემდეგ ნომერში განვიხილავთ ძაღლების ქცევის და ექიმამდელი დახმარების სხვადასხვა საკითხებს.

(მასალა აღებულია vipanimals.ge-დან!)
კატეგორია: ვეტერინარი | ნანახია: 2474 | დაამატა: nacara | რეიტინგი: 4.3/6
ყველა უფლება დაცულია!
©SiTe By NaCar
Create a free website with uCoz