კომპანიონი, მონადირე, ინვალიდების დამხმარე - 3 იანვარს 2010 - Персональный сайт


	კატეგორიები მთავარი სურათები ლაბრადორის ჯიში ვიდეო მასალა ყიდვა-გაყიდვა ვეტერინარი სტატიები ძაღლსაშენები ძაღლის გაწვრთნა საიტის ფორუმი


	რეკლამა

მინი პროფილი


	სტატისტიკა სულ ონლაინში: 3 სტუმარი: 3 მომხმარებელი: 0

3 გამორჩეული სიახლე

20:28 კომპანიონი, მონადირე, ინვალიდების დამხმარე
ლაბრადორ რეტრივერი კომპანიონი, მონადირე, ინვალიდების დამხმარე უბადლო მოცურავე, დაუღალავი მშრომელი, გულკეთილობის და ერთგულების ნიმუში - რა ეპითეტები არ დაუმსახურებია მსოფლიოში ამ ერთ-ერთ პოპულარულ ოთხფეხა მეგობარს! ოდესღაც ლაბრადორები თავდაუზოგავად შრომობდნენ კუნძულ ნიუფაუნდლენდის ყურეებით მდიდარ სანაპიროზე, სადაც მეთევზეებთან ცურვით მიჰქონდათ თევზით სავსე ბადეები. დღეს დღეობით ეს გამობრძმენდილი ძაღი ოთხფეხა მეგობრის იდეალია. ლაბრადორს მოკლე ბალანი აქვს. შეიძლება იყოს ჩალისფერი, ყავისფერი ან შავი. ღია ყავისფერ, საშუალო ზომის თვალებს რბილი, გულკეთილი გამოხედვა ახასიათებს. ლაბრადორების კარგად შემონახულ ისტორიაში წერია, რომ 1823 წელს გრაფმა მალსბერი მეორემ დორსეტში ნიუფაუნდლენდის სათევზაო ფლოტის მეთევზეებისგან შეიძინა ე.წ. შავი "პატარა ნიუფაუნდლენდები", შემდგომში ლაბრადორებად წოდებული ძაღლები. თუ რას ნიშნავს ლაბრადორი, ამის რამოდენიმე ვერსია არსებობს. როგორც მოგეხსენებათ პირველი ლაბრადორები შავები იყვნენ. ერთ-ერთი ვერსიით მათ შავ "ლაბრადორიტს" ადარებდნენ. მეორე ვერსიით ეს სახელი ძაღლებს პორტუგალიელმა მეზვაურებმა უწოდეს, როგორც მშრომელი ძაღლები. მესამე ვერსიით ეს სახელი ძაღლმა უკვე ინგლისში შეიძინა და სწორედ გრაფმა მალსბერი მესამემ ჯიშს ლაბრადორ რეტრივერი უწოდა. თუმცა რა იყო ამის მიზეზი უცნობია. გრაფის მამულები საკმაოდ ბევრ დაჭაობებულ ფართობს შეიცავდა, რომელიც მდიდარი იყო ფრინველით. ნადირობისას უმეტესობა ფრინველი წყალში ვარდებოდა და მცურავი ლაბრადორი ამ შემთხვევაში შეუცვლელი იყო. ამ დროიდან დაწყებული ინგლისის სხვა არისტოკრატიული ოჯახებიც სულ უფრო და უფრო მეტ ყურადებას უთმობენ ლაბრადორს. ძაღლებს ნიუფაუნდლენდთან მოვაჭრე საპორტო ქალაქებში ყიდულობდნენ. თუმცა 1885 წელს ინგლისში მიღებულ იქნა კანონი, რომელიც ქვეყანაში შემოყვანილი ცხოველებისათვის 6 თვიან კარანტინს ითვალისწინებდა. ამავე დროს მცირდება სავაჭრო ბრუნვა ნიუფაუნდლენდთან. ყოველივე ამან გამოიწვია ის, რომ ლაბრადორების იმპორტი ინგლისში პრაქტიკულად შეწყდა. აქედან გამომდინარე იმ დროის მომშენებლები იძულებული გახდნენ ჯიშის შესანარჩუნებლად სერიოზული მუშაობა დაეწყოთ მათ ხელთ არსებულ ძაღლებთან. მე-19 საუკუნის 80 წლების დასაწყისში ლორდ დაკლეიტი და გრაფ ჰოუმი, რამოდენიმე სეზონის განმავლობაში სტუმრობდნენ თავიანთი მეგობრის, გრაფ მალსბერი მესამის მამულებში. ისინი უსაზღვროდ განცვიფრებულნი იყვნენ მალსბერის ძაღლების სამუშაო თვისებებით. ამ პერიოდიდან იწყება ჯიშის აღმავლობა ინგლისში. 1903 წელს ლაბრადორ რეტრივერი აღიარებულ იქნა ინგლისის კინოლოგიური კლუბის მიერ, რითაც ჯიშმა გამოფენებზე მონაწილეობის უფლება მიიღო. 1916 წელს დაფუძნებულ იქნა ლაბრადორ რეტრივერის მოყვარულთა კლუბი, რომლის მიზანს ჯიშის პოპულარიზაცია და დაცვა წარმოადგენდა. კლუბის თავჯდომარედ ლორდ კრატსფორდი დაინიშნა, მან ეს პოსტი თავის სიკვდილამდე შეინარჩუნა. ჯიშის განვითარების შემდეგი ეტაპი ჩალისფერი ლაბრადორის აღიარება იყო. პირველად ჩალისფერი ლაბრადორი დარეგისტრირებულ იქნა რედკლიფების ოჯახის მიერ, მისი სახელი იყო Ben of Hyde. 1924 წელს ვერონიკა უორმლენდმა და მისმა მეგობარმა ენთუზიასტებმა შექმნეს ჩალისფერი ლაბრადორ რეტრივერების პირველი კლუბი. როგორც ცნობილი ინგლისელი მომშენებელი ჰიტერ უაილს-ფონი წერს: "ლაბრადორის ყავისფერი შეფერილობა სპეციალისტთა დიდ ეჭვს იწვევდა, მაგრამ მისი განვითარების იმპულსად რამოდენიმე გამოფენაზე ყავისფერი Foolytower Merrybrook Black Stormer გამარჯვება გახდა, აქედან დაიწყო ყავისფერი ლაბრადორების პოპულარიზაცია". ჯიშის სწრაფი და მრაველფეროვანი განვითარების ერთ-ერთი მიზეზი კი ლაბრადორ რეტრივერების კლუბის მიერ მიღებული ბრძნული გადაწყვეტილება იყო, რომელიც სხვა და სხვა ფერის ლაბრადორების დართვას არ კრძალავდა. ოქროს ასოებით არის ჩაწერილი ისტორიაში საოცარი ქალის, (Sandylands) გვენ ბოდლის გვარი. ამ ქალბატონმა ლაბრადორებს მთელი თავისი სიცოცხლე მიუძღვნა. გვენ ბოდლიმ არა ერთი საუკეთესო წარმომადგენელი გაზარდა, მის ყველაზე დიდ მიღწევად კი ითვლება ლეგენდარული ხვადი Sandylands Mark(დაბადებული 1965 წელს). ჯიშის მცოდნე ყველა სპეციალისტი აღნიშნავს რომ ეს ძაღლი იყო საუკეთესო მწარმოებელი და ჯიშის დღევანდელ სახეზე დიდი გავლენა იქონია. ამ უნიკალური ძაღლების პოპულარიზაციას გვენ ბოდლიმ თავისი ცხოვრების 67 წელი დაუთმო. ლაბრადორ რეტრივერს უნივერსალურ ძაღლს უწოდებენ. იგი კარგი მონადირე, იდეალური კომპანიონი და ინტელექტუალია. თავისი საზრიანობის, ერთგულების და გამძლეობის გამო ლაბრადორმა უპირობოთ დაიმსახურა რეტრივერებს შორის ტიტული (სიახლე აღებულია Vipanimals.Ge-დან!)
1 2 3 4 5 კატეგორია: ლაბრადორის ჯიში \| ნანახია: 2160 \| დაამატა: nacara \| რეიტინგი: 5.0/1